Jérémi

5 Mi sa Jéova ka di : « Malédision pou an moun ki ka mété konfians-li an nonm kon’y menm, ki ka konté asou pwòp fòs-li, éti tjè’y ka viré do ba Jéova. 7 Bénédision pou nonm-lan ki ka fè Jéova konfians, é ki ka mété lèspérans-li adan Jéova. 8 I ké vini kon an piébwa ki planté bò dlo, an piébwa ki ka vréyé rasin-li jis bò an ti lariviè. I pé kèy risanti chalè-a lè i kèy rivé, men fèy-li ké rété bien vèt. Lè séchrès-la ké rivé, i pé kéy entjèt épi i pé kéy sispann pòté fwi. 9 Tjè-a pli trèt pasé tout bagay, é i pé fè’w fè nenpòt kisa. Ki moun ki pé konnèt li ? 10 Mwen, Jéova, mwen ka désann an fondòk tjè-a, mwen ka dékatiyé pansé ki séré fon, pou man pé sa ba chak moun silon sa i mérité, silon konduit-li, sa i ka fè.