Izayi

11 An ti branch ké sòti an chous Jésé-a, épi an plan ki sòti an rasin-li ké pòté fwi. 2 Lèspri Jéova ké pozé asou’y, pou ba’y sajès épi lentélijans, pou ba’y bon konsèy épi lafòs, pou ba’y konésans épi lakrent Jéova. 3 É i ké pran plézi krenn Jéova. I pé ké jijé dapré sa zié’y ka wè é i pé ké korijé pèsonn jiskont dapré sa i ké tann. 4 I ké jijé lé piti an manniè jis é i ké korijé moun an manniè dwèt, an favè moun ki ni limilité asou latè. I ké frapé latè épi baton-an ki ka sòti an bouch-li, é sé épi souf-la ki ka sòti an bouch-li i ké tjwé méchan-an. 9 Yo pé ké fè ayen ki mové ni piès déga adan tout montann-mwen ki sen, pas asiré pa pétèt, latè ké plen épi konésans Jéova kon dlo ka kouvè fon lanmè-a.