Jénèz

3 Alò Jéova di :« Lèspri-mwen pa kay sipòté lòm tout lè, pas sé lachè’y i ka kouté. Sé poutji i ké viv 120 lanné. » 4 Sé Néfilim-lan té anlè latè an tan-tala — épi apré osi. An tan-tala, yich vré Bondié-a té ni rilasion sèksièl épi tifi lézòm, yo té ka fè yich ba yo : sé té lézòm fò antan lontan, lézòm sélèb. 5 Kidonk, Jéova wè méchansté lòm té vini gran anlè latè, é tousa ki té an tèt-li, sé té toujou mové bagay. 6 Jéova rigrété i té mété lézòm anlè latè, é sa fè’y lapenn. 7 É Jéova di :« Man ké fè disparèt anlè latè lézòm éti mwen menm kréyé, lòm épi zannimo bò kay, zannimo ki ka trennen atè, épi zannimo ki ni zèl, pas man ka rigrété mwen fè yo. » 8 Men Jéova té kontan Noé. 13 Alòs Bondié di Noé : « Man désidé détwi tout moun, pas palakòz yo, latè plen épi violans ; kidonk man kèy détwi yo èk ravajé latè. 22 É Noé fè tousa Bondié té ba’y lòd fè. Sé konsa i fè, èkzaktiman.