2 Korentjen

3 Wi, man ka konfirmé yo ba silon sa yo té ni, é menm, yo ba plis ki sa yo té ni. 6 Mi sé pou sa nou mandé Tit alé ranmasé lèrèstan sé don-an zòt ba épi tout tjè-zòt, paskè sé li ki té koumansé fè sa pami zòt. 12 Pou vré, si an moun bien désidé fè an bagay, alòs don-an i ka fè parapòt a sa i ni, é non parapòt a sa i pa ni, vréman ni favè Bondié. 14 men mwen té ké lé, ki sa zòt ni anplis jòdi-a, nou sèvi’y an manniè égal pou pran swen di yo, konsa, sa yo ni anplis kèy kouvè osi sa zòt kèy mantjé ; é konsa kèy ni an égalité. 16 Atjèlman mwen ka di Bondié mèsi pas i pousé Tit entérésé kòy a zòt, menm manniè nou ka fè’y, 17 pas sa vré i montré kòy sansib a sa nou mandé’y, men konm i té ni anpil balan, sé di pwòp kòy i désidé pati wè zòt. 21 Pas « nou ka pran pokosion pou nou fè tout bagay an manniè ki onnèt, ki an zié Jéova ki an zié lézòm ». 23 Atjèlman, si yo ka pozé kèsion anlè Tit : i sé asosié-mwen, moun-lan ki ka travay kantékant épi mwen ba zòt ; si yo ka pozé kèsion anlè sé frè-nou an : yo sé apòt sé sanblé-a pou gloriyé Kris.