Lévitik

5 « Pèp Izrayèl-la ké ba Aawon dé jenn bouk pou fè an sakrifis pou péché-a épi an bélié pou fè an sakrifis brilé antiè. 7 « Apré sa i ké pran sé dé bouk-la é i ké mété yo douvan Jéova, douvan lantré tant réyinion-an. 8 Aawon ké tiré lé sò pou sav kilès bouk ki ta Jéova é kilès ki ta Azazèl. 9 Apré, Aawon ké montré bouk-la ki pou Jéova, épi i ké fè an sakrifis pou péché-a épi’y. 10 Men bouk-la ki ké pou Azazèl, Aawon ké mété’y tou vivan douvan Jéova. Apré sa, i ké fè sérémoni rékonsiliasion-an anlè’y, pou vréyé’y adan dézè-a, pou Azazèl. 20 « Lè i kèy fini fè sérémoni rékonsiliasion-an pou koté-a ki sen, pou tant réyinion-an épi pou lotèl-la, i ké pran bouk-la ki vivan. 21 Aawon ké mété dé lanmen’y asou tèt bouk-la ki vivan, é i ké konfésé anlè’y tout lérè, tout fòt, é tout péché, sé Izrayélit-la fè. I ké mété yo tout anlè tèt bouk-la épi apré, yo ké chwézi an nonm pou mennen’y adan dézè-a. 22 Bouk-la ké chayé épi’y tout fòt-yo adan dézè-a. Aawon ké vréyé bouk-la adan dézè-a.