Révélasion

22 Épi zanj-lan montré mwen an flèv, flèv dlo lavi-a, ki klè kon kristal, ki té ka sòti an twòn Bondié èk an twòn Ti Mouton-an 2 é i té ka koulé an mitan pli gran lari vil-la. Anlè dé bò flèv-la, i té ni piébwa lavi-a ki té ka pòté 12 rékòt fwi chak mwa. É fèy sé piébwa-a té la pou djéri sé nasion-an. 3 Épi pé kèy ni piès malédision ankò. Twòn Bondié èk twòn Ti Mouton-an kèy adan vil-la, épi èsklav Bondié kèy ofè’y an sèvis ki sakré ; 4 é yo ké wè fidji’y, épi non’y ké matjé anlè fwon-yo. 5 É pé ké ni lannuit ankò, é yo pé ké bizwen ni limiè lanp-lan ni limiè solèy-la, pas Jéova Bondié kèy vréyé limiè’y anlè yo, épi yo ké wa pou tout tan. 6 I di mwen : « Sé pawòl-tala fidèl é vré ; wi, Jéova, Bondié-a ki enspiré sé pwofèt-la, vréyé zanj-li pou montré èsklav-li bagay ki pou rivé adan an ti moman. 7 Kouté ! Man ka vini vit. Biennéré moun ki ka obéyi pwofési woulo-tala. » 17 É lèspri épi lamayé ka kontinié di : « Vini ! » É moun-lan ki ka tann, fòk i di : « Vini ! » É moun-lan ki swèf pé vini ; moun-lan ki lé pé pran dlo lavi-a san péyé.