Détéwonòm

11 « Koumandman-an man ka ba’w jòdi-a pa two rèd ba’w ; sé an bagay ou pé fè. 12 Sé pa an sièl-la i yé pou’w pé sa di : “Ki moun ki kéy alé chèché’y ba nou an sièl-la, pou nou pé sa tann li épi obéyi’y ?” 13 I pa lòt koté lanmè-a non pli, pou’w pé sa di : “Ki moun kéy janbé lanmè-a pou alé chèché’y ba nou, pou nou pé sa tann li épi obéyi’y ?” 14 Pas pawòl-la toupré’w, adan bouch-ou èk adan tjè’w, pou’w pé sa aplitjé’y. 19 Jòdi-a, man ka pran sièl-la épi latè-a pou témwen kont ou pas man mété douvan’w lavi épi lanmò, bénédision épi malédision ; é fòk ou chwazi lavi pou wou épi désandans-ou kontinié viv, 20 si ou enmen Jéova Bondié’w, si ou ka kouté vwa’y é si ou ka rété kolé anlè’y ; pas i sé lavi’w, é gras a li, ou kéy rété lontan adan péyi-a Jéova pwonmèt ba zansèt-ou, Abraam, Izaak épi Jakòb. »