Tit

2 Men wou menm, kontinié di pawòl ki an akò épi lansèyman-an ka fè dibien. 2 Fòk sé gran nonm-lan rézonnab adan labitid-yo, fòk yo din, ni bon jijman, fòk yo solid adan lafwa, adan lanmou, adan landirans. 3 Menm manniè, fòk sé gran madanm-lan ka konpòté kòyo kon moun ka rèspèkté Bondié, fòk pa yo ka manti pou fè moun ditò, fòk pa yo èsklav diven, men fòk yo sé moun ki ka ansénié sa ki bien, 4 pou yo pé sa ba sé jenn fanm-lan konsèy pou yo enmen mari-yo, enmen timanmay-yo, 5 pou yo ni bon jijman, pou yo sent, pou yo otjipé di kay-yo, pou yo ni anpil bonté, pou yo rété soumi a mari-yo, pou pèsonn pa malpalé pawòl Bondié. 9 Fòk sé èsklav-la rété soumi an tout bagay anba lotorité mèt-yo, fòk yo fè sa ki fo pou mèt-yo kontan yo, fòk yo pa babiyé, 10 fòk yo pa vòlè, men, fòk yo montré yo sé dé moun yo pé fè konfians, pou yo pé sa rann pli bèl lansèyman Bondié, Sovè-nou. 11 Pas Bondié montré favè’y nou pa mérité lè i mennen ladélivrans ba tout kalté moun. 12 Favè-tala ka aprann nou rijété malélivaj ba Bondié épi lanvi monn-tala. I ka aprann nou viv épi bon sans, jistis, èk enmen Bondié adan lépòk-tala, 13 toupandan nou ka atann bèl lèspérans-lan épi moman-an éti moun ké wè gran Bondié-a épi Sovè-nou Jézikri parèt adan laglwa-yo. 14 Jézikri ba lavi’y ba nou, pou libéré nou anba tout kalté modèl péché kont lalwa épi pou rann sen an pèp ba kòy, an bien èspésial ba’y, ki ni anpil balan pou fè sa ki bien.