Filipien
4 Réjwi kòzòt toulong adan Senyè-a. Mwen ka viré di’y : réjwi kòzòt ! 5 Fè ansòt tout moun wè zòt rézonnab. Senyè-a près rivé. 6 Pa entjété kòzòt pou ayen, men pou tout bagay, prédié épi sipliyé toupandan zòt ka di Bondié mèsi, fè’y sav sa zòt bizwen ; 7 épi lapé Bondié, ki wo pasé tou sa an moun pé konprann, kay pwotéjé tjè-zòt épi lèspri-zòt gras a Kris Jézi. 8 Wi frè, tousa ki vré, tousa ki korèk, tousa ki jis, tousa ki pwòp, tousa ki mérité enmen, tousa ki ni an bèl non, tousa ki rèspèktab é tousa ki mérité louwanj, kontinié mété sa an tèt-zòt toulong. 9 Tousa zòt aprann anlè mwen é zòt asèpté, épi tousa zòt tann mwen di é wè mwen fè, tout sé bagay-tala pratiké yo, é Bondié lapé-a ké épi zòt. 11 Man pa ka di sa pas man bizwen. Kisiswa sitiyasion-mwen, man aprann fè épi sa man ni. 12 Man sa viv lè man ni tibren é man sa viv lè man ni anlo bagay. Adan tout bagay é adan tout sitiyasion, man sav sa sa lé di ni vant plen oben mantjé manjé, man sav sa sa lé di ni anlo bagay oben pa ni ayen. Sé an sikré man aprann. 13 Man ni lafòs pou fè tout bagay, gras a li, ki ka ba mwen puisans-lan. 19 Kantapou Bondié-mwen, i kéy ba zòt tousa zòt ni bizwen silon richès plen laglwa’y, gras a Kris Jézi.