Tit

2 é ki ka pran fòs-li adan an lèspérans lavi étèrnèl Bondié, ki pé pa manti, pwonmèt ni lontan ; 5 Man kité’w Krèt pou’w mété lòd adan bagay ki mérité korijé, é pou’w nonmen ansien adan chak vil, silon enstriksion-mwen : 6 si i ni an nonm ki pa ni piès akizasion anlè do’y, mari an sèl madanm, ki ni timanmay kwayan ki pa ni an vié répitasion, ki pa ribèl. 7 Sa vré, pas sé an domèstik Bondié, an rèsponsab pa pou ni piès akizasion anlè do’y, fòk pa i antété, fòk pa i fè kòlè, fòk pa i tafiatè, ni violan, ni chèché trapé bénéfis malonnètman, 8 men fòk i enmen akéyi moun, enmen sa ki bien, fòk i ni bon sans, fòk i jis, fidèl, fòk i sa tjenbé kòy, 9 fòk i rété bien kolé anlè pawòl-la ki fidèl anlè manniè i pou ansénié, pou i pé sa rivé ankourajé gras a lansèyman ki bon épi korijé sé kontradiktè-a. 10 Pas i ni an patjé ribèl, moun ka palé pou ayen, kouyonnè, anpil adan yo té pou lasiwkonsizion. 11 Fòk fè yo pé la, pas sé moun-tala ka kontinié boulvèsé fanmi tout antiè, lè yo ka ansénié bagay yo pa té pou ansénié, pou an bénéfis malonnèt. 12 Yonn adan yo, pwòp pwofèt-yo, di konsa : « Moun Krèt sé dé mantè fini, dé bèt sovaj ki danjéré, sé dé agoulou ki fenyan. »