Lik

6 Apré, i ba yo lègzanp-tala : « An misié té ni an pié fig planté adan an chan rézen. I vini adan piébwa-a pou pran fwi, men i pa touvé ayen. 7 Alò i di nonm-lan ki té ka travay adan chan rézen-an : “Sa ka fè twa zan man ka vini chèché fwi adan pié fig-tala, men man pa janmen touvé ayen. Koupé’y ! Poutji fòk i rété planté la pou ayen ? 8 Nonm-lan réponn li : “Mèt, ba’y an lanné ankò. Pandan tan-tala, man ké otjipé di’y. Man ké fè an tou oliwon’y épi man ké mété fimié adan. 9 Si apré sa i pòté fwi, i bon menm. Men si i pa pòté, ou ké’y koupé’y.” » 18 Alò i di : « Kisa wayòm Bondié ka sanm ? Épi kisa man pé konparé’y ? 19 I kon an grenn moutad an nonm pran épi simen adan jaden’y. Grenn-lan ka lévé épi ka vini an gwo piébwa, é sé zwézo-a ka vini fè nich-yo anlè branch-li. » 20 I di ankò : « Épi kisa man pé konparé wayòm Bondié ? 21 I kon lèvi an madanm pran é mélanjé épi twa gran mizi farin, é tout pat-la ka gonflé. » 22 É Jézi té ka pasé adan an vil apré lòt, épi an vilaj apré lòt : i té ka ansénié sé moun-lan pandan i té ka alé Jérizalèm. 34 « Jérizalèm, Jérizalèm, vil-la ki ka tjwé sé pwofèt-la é ki ka lapidé sé moun-lan yo ka vréyé ba’y ! Konben fwa man té lé sanblé timanmay-ou kon an poul ka sanblé piti’y anba zèl-li ! Men zòt pa té lé piès.