Matié

27 Alò solda gouvènè-a mennen Jézi adan palè gouvènè-a épi yo sanblé tout twoup-la alantou’y. 28 Yo tiré rad-li é yo kouvè’y épi an manto wouj. 29 Yo naté an kouwòn pitjan épi yo mété’y anlè tèt-li, é yo ba’y tjenbé an rozo an lanmen dwèt li. Apré sa, yo ajounou douvan’y épi yo té ka fè lafèt épi’y, yo té ka di’y : « Bèl bonjou, wa sé Juif-la ! » 30 Yo kraché anlè’y, épi yo pran rozo-a épi yo koumansé ba’y kou anlè tèt. 31 Pou fini, apré yo fè lafèt épi’y, yo tiré manto-a anlè’y é yo viré mété rad-li ba’y. Apré sa, yo mennen’y alé pou klouwé’y anlè an poto. 39 É moun ki té ka pasé té ka jouré’y. Yo té ka soukwé tèt-yo 40 épi yo té ka di : « Wou ki té lé krazé Tanp-lan èk viré konstwi’y an 3 jou, sové kòw wou menm ! Si ou sé an yich Bondié, désann di poto soufwans-lan ! » 43 I ka fè Bondié konfians ; si i ka fè Bondié plézi fòk i libéré’y atjèlman, pas i di : “Man sé Yich Bondié.” »