Éfézien

8 Favè-tala nou pa mérité, Bondié ba nou’y an gran bondans épi tout sajès èk entèlijans 9 lè i fè nou konnèt sigré-a ki sakré asou volonté’y. Sé silon sa ka fè’y plézi, i désidé 10 mété doubout an ladministrasion lè tan-an rivé, pou mété tout bagay ansanm adan Kris, bagay ki an sièl-la, épi bagay ki asou latè-a. Wi, mété yo ansanm adan Kris, 15 Mi sé pou sa, mwen tou, dépi man tann palé di lafwa-zòt adan Senyè Jézi épi lanmou zòt ka montré ba tout sé sen-an, 16 man pa ka rété di Bondié mèsi parapòt a zòt. Man ka kontinié palé di zòt adan lapriyè-mwen, 17 pou li ki Bondié Senyè-nou Jézikri, li ki Papa-a ki plen laglwa, ba zòt an lèspri sajès é an lèspri pou zòt konprann sa i révélé, pou zòt trapé an konésans èkzak di li menm. 18 I ka kléré zié tjè-zòt, pou zòt konprann pou ki kalté lèspérans i kriyé zòt, ki richès plen laglwa i ka tjenbé la pou sé sen-an éritié 19 épi grandè èstwòdinè puisans-li pou nou ki ka kwè. Grandè-tala nou ka wè’y adan sa i ka fè épi lafòs-li ki puisan. 20 Sé lafòs-tala i sèvi lè i résisité Kris épi fè’y asiz adwèt-li an sièl-la, 21 anlo pli wo pasé tout gouvènman, pouvwa, puisans, senyè, é pli wo pasé tout kalté non moun pé nonmen, pa sèlman adan monn-tala, men osi adan tala ki ka vini an. 22 I soumèt osi tout bagay anba pié’y é i mété’y chèf anlè tout bagay ki an rapò épi lasanblé-a, 23 ki sé kò Kris, li ki plen épi kalité, li ki ka plen tout moun épi tout bagay.