1 Jan

8 Si an moun ka pratitjé péché-a, sé yich Djab-la, pas Djab-la ka péché dépi okoumansman. Sé pou sa Yich Bondié parèt : pou krazé travay Djab-la. 16 Sé konsa nou rivé konprann kisa ki lanmou pas Jézikri ba lavi’y ba nou, menm manniè-a fòk nou paré ba lavi-nou pou frè-nou. 17 Men lè an moun ki ni bien adan monn-tala, ka wè frè’y pa ni sa ki fo pou viv, é poutan pa ka ni konpasion ba’y, koumanniè i pé di i enmen Bondié ? 18 Timanmay, nou pou enmen, pa sèlman épi pawòl an bouch oben bèl diskou, men épi aksion èk sensérité. 19 Konsa, nou kay sav nou ka vini di lavérité é nou kay soulajé tjè-nou douvan Bondié, 20 kisiswa rézon-an ki sé pé fè tjè-nou kondané nou, pas Bondié pli gran pasé tjè-nou é i konnèt tout bagay. 23 Kidonk, mi lòd-la i ba a : fòk nou ni lafwa an non Yich-li Jézikri èk fòk nou ni lanmou yonn pou lòt, menm manniè i té koumandé nou.