Izayi

2 Adan sé dènié jou-a, montann-lan ki ni kay Jéova-a ké bien doubout. I ké pli wo pasé lézòt montann-lan, i ké lévé pli wo pasé tout ti mòn, é an foul moun ki ka sòti an tout nasion ké monté anlè’y. 3 Anlo pèp ké vini la, épi yo ké di : « Vini ! Annou monté anlè montann Jéova-a, kay Bondié Jakòb-la. I ké fè nou konnèt chimen’y é nou ké suiv tras-li. » Pas sé Sion lalwa-a ké sòti, pawòl Jéova-a sé Jérizalèm i ké sòti. 4 Bondié kay jij asou sé nasion-an, i kay mété lòd an mitan anpil pèp. Yo ké ba lépé-yo mato pou yo tounen zouti pou labouré latè, épi lans-yo tou pou yo tounen fosi. An nasion pé ké pran lépé’y ankò kont an lòt nasion, é yo pé ké aprann fè ladjè ankò. 22 Sispann mété konfians-ou adan nonm kon’w menm, pas lavi-yo kon an souf ! Poutji ou ka apiyé anlè yo ?