Jak

4 Zòt ki pa fidèl, ès zòt pa sav vini zanmi monn-lan sé vini lènmi Bondié ? Moun-lan ki lé vini zanmi monn-lan ka chwézi vini lènmi Bondié. 6 É poutan, Bondié ka ba nou favè-a nou pa mérité ki pli gran ankò. Lékriti-a ka di : « Bondié kont moun ki ni lòwgèy, men i ka ba moun ki ni limilité favè-a nou pa mérité. » 7 Kidonk, soumèt kòzòt anba Bondié ; men opozé kòzòt a Djab-la, é i ké chapé-kouri lwen zòt. 8 Vini obò Bondié, é i kay vini obò zòt. Lavé lanmen-zòt, sé péchè-a, pwòpté tjè-zòt, zòt ki pa sav sa zòt lé. 13 Kouté atjèlman, zòt ki ka di : « Jòdi-a ouben dèmen, nou ké alé adan vil-tala é nou ké pasé an lanné la, nou ké fè biznès é nou ké genyen lajan », 14 poutan, zòt pa menm sav sa lavi-zòt ké yé dèmen. Zòt sé an vapè ki ka parèt pou an ti moman épi ka disparèt. 15 Plivomié zòt sé di : « Si Jéova lé, nou ké viv é nou ké fè sa oben sa. »