Women
3 Pa sèlman sa, men annou réjwi kònou lè nou anba léprèv, pas nou sav ki rézilta léprèv-la sé landirans, 4 é landirans ka fè ki Bondié kontan’w, é pas i kontan’w sa ka ba’w lèspérans. 5 É lèspérans-lan pa ka désivwè pèsonn, pas lanmou Bondié ranpli tjè-nou gras a lèspri sen i ba nou an. 12 Sé konsa pou lapéti an sèl nonm, péché vini antré an monn-lan é palakòz péché-a lanmò antré, épi lanmò anni simen asou nonm pas yo tout té péché. 14 Men, lanmò dominé asou sé moun-lan dépi Adan rivé jik a Moyiz. I dominé menm asou sé moun-lan ki pa té péché kon Adan, ki ka sanm moun-lan ki té pou vini. 18 Kidonk, menm manniè sé rézilta an sèl fòt ki fè tout kalté nonm té kondané, menm manniè osi, sé rézilta an sèl aksion ki té jis, ki ka fè Bondié déklaré jis tout kalté nonm pou yo genyen lavi. 19 Pas, menm manniè sé pou lapéti dézobéyisans sèl nonm-tala, anlo moun vini péchè, menm manniè osi, sé lobéyisans sèl moun-tala ki ké pèwmèt anlo vini jis.