Jénèz

3 Sèpan-an sé té zannimo ki té pli pridan adan tout zannimo sovaj Jéova Dié té kréyé. I mandé fanm-lan : « Ès sa vré Bondié di zòt pa manjé fwi tout piébwa adan jaden-an ? » 2 Fanm-lan réponn sèpan-an : « Nou pé manjé fwi sé piébwa-a ki adan jaden-an. 3 Men kantapou fwi piébwa-a ki an mitan jaden-an, Bondié di : “Zòt pa pou manjé adan, non, zòt pa pou menyen’y, sinon zòt ké mò.” » 4 Men sèpan-an réponn fanm-lan : « Zòt pé ké mò piès. 5 Pas Bondié sav, menm jou-a zòt ké manjé adan’y, zié-zòt ké wouvè é zòt ké vini kon Bondié : zòt ké konnèt sa ki bien épi sa ki mové. » 6 Alòs fanm-lan wè fwi piébwa-a té bon épi bèl, é piébwa-a, lè ou té ka gadé’y, té bèl menm. Kidonk, i pran an fwi épi i manjé’y. É lè mari’y vini jwenn li, i ba’y adan osi, é mari’y manjé adan. 14 Apré sa, Jéova Bondié di sèpan-an : « Pas sé sa ou fè, ou modi an mitan tout zannimo bò kay épi tout zannimo sovaj. Sé trennen ou ké trennen anlè bouden, é ou ké manjé lapousiè tout lavi’w. 15 Man ké mété ladjè ant wou épi fanm-lan, ant désandans-ou épi désandans-li. I ké krazé tèt-ou, é wou, ou ké blésé’y an talon. » 17 É i di Adan : « Pas ou kouté vwa madanm-ou é ou manjé fwi piébwa-a éti man té ba’w lòd-tala : “Fòk pa ou manjé’y”, tè-a modi akòz di’w. Chak jou lavi’w sé épi doulè ou ké rékòlté fwi’y pou’w pé sa manjé. 18 Sé pitjan épi vié zèb tè-a ké ba’w, é sé sa ki ka pousé an savann-lan ou ké oblijé manjé. 19 Sé épi laswè fidji’w ou kèy manjé pen jiktan ou ritounen anba tè-a, pas sé la ou sòti. Ou sé lapousiè é ou kèy viré vini lapousiè. »