Akt

4 Pandan yo tou lé dé té ka palé ba pèp-la, sé prèt-la, kapitenn lagad Tanp-lan épi sé sadiséyen-an anni rivé anlè yo. 2 Yo pa té kontan pas sé apòt-la té ka ansénié pèp-la épi té ka anonsé an manniè klè ki Jézi résisité. 12 Anplis di sa, pèsonn pé pa sové nou si sé pa li, pas anba sièl-la, Bondié pa ba non pèsonn dòt pami lézòm ki pé sové nou. » 13 Lè yo wè manniè Piè épi Jan té alèz lè yo té ka palé, épi lè yo wè sé té moun ki pa té ni lenstriksion, moun toubonnman, yo rété sézi. Sé la yo konprann sé dé nonm-tala té épi Jézi. 18 Kidonk, yo kriyé yo épi yo ba yo lòd pa janmen ansénié ankò ni palé an non Jézi. 19 Men Piè épi Jan réponn yo : « Sé a zòt di wè si ba Bondié, sa korèk di kouté zòt pito ki Bondié. 20 Men nou, nou pé pa sispann palé asou sa nou wè épi tann. » 23 Dépi yo ladjé yo, Piè épi Jan alé jwenn sé lézòt disip-la épi yo rakonté tousa chèf sé prèt-la épi sé ansien-an té di yo. 24 Lè yo tann sa, yo tout lévé lavwa ansanm pou palé ba Bondié é yo di : « Senyè Mèt linivè, sé wou ki fè sièl-la épi latè-a épi lanmè-a épi tousa ki adan’y, 25 é sé wou, épi lèspri sen’w, ki palé épi bouch zansèt-nou David sèvitè’w pou di : “Poutji sé nasion-an èksité konsa, é poutji sé pèp-la ka katjilé asou bagay initil ? 29 É aprézan, Jéova, gadé manniè yo ka minasé nou, épi pèwmèt sé èsklav-ou a kontinié di pawòl-ou san yo tranblé, 30 toupandan ou ka fè djérizon, sin épi mirak an non sèvitè’w Jézi ki sen. » 31 Lè yo fini sipliyé Bondié, koté-a éti yo tout té sanblé koumansé tranblé, é yo tout vini plen épi lèspri sen ; é yo té ka di pawòl Bondié épi lasirans. 34 Yo piès la pa té mantjé ayen, pas tout sé moun-lan ki té ni an mòso tè oben an kay té ka vann yo épi té ka pòté lajan-an, 35 yo té ka dépozé’y an pié sé apòt-la. Apré, yo té ka distribié’y, silon sa chak moun té ni bizwen.