Kolosien

3 Nou toujou ka di mèsi Bondié, li, Papa Senyè-nou Jézikri, lè nou ka prédié ba zòt, 4 pas nou tann palé kalité lafwa-zòt adan Kris Jézi épi kalité lanmou-zòt ba tout sé sen-an 5 parapòt a lèspérans-lan yo mété asou koté an sièl-la ba zòt. Zòt tann palé di lèspérans-tala gras a mésaj vérité-a, bon nouvèl-la 6 ki rivé jiska zòt. Menm manniè sa ka fèt tout oliwon latè, bon nouvèl-la ka pòté fwi épi i ka simayé lakay-zòt, dépi jou-a zòt tann palé épi zòt konnèt ègzaktiman favè Bondié nou pa mérité, kon i yé vréman. 9 Sé pou sa osi, dépi jou-a nou tann palé di sa, nou pa ka sispann prédié ba zòt pou mandé’y konésans èkzak volonté’y plen tjè-zòt, pou i ba zòt sajès, é pou zòt pé sa konprann tousa ki èspiritièl. 10 Konsa, zòt ké pé maché an manniè ka onoré Jéova, pou i kontan zòt menm, toupandan zòt ka kontinié pòté fwi adan tout bon bagay zòt ka fè, épi kontinié alé douvan adan vré konésans Bondié ; 11 anplis, man sé lé zòt vini fò épi puisan silon lafòs-la épi laglwa ki ta’y, pou zòt kontinié andiré èk pasians épi lajwa, 12 toupandan zòt ka di Papa-a mèsi, li ki fè sa ki fo pou zòt partisipé adan léritaj sé sen-an ki adan lalimiè. 13 Bondié délivré nou anba pouvwè lé ténèb é i chayé nou adan wayòm Yich-li i enmen, 14 gras a ki nou trapé libérasion pa mwayen ranson-an, kivédi padon péché-nou. 15 I sé pòtré Bondié envizib la, prèmié kréyati adan tout lakréyasion ; 16 pas sé épi’y Bondié kréyé tout bagay adan sièl-la épi asou latè, sa yo ka wè é sa yo pa ka wè, kisiswa wa oben senyè, oben gouvènman, oben pouvwa. Sé épi’y é sé pou’y i kréyé tout lézòt bagay-la. 17 Anplis, i té ja la avan tout lézòt bagay-la, é sé épi’y tout lézòt bagay-la vini ègzisté, 18 é i sé tèt kò lasanblé-a. I sé koumansman-an, prèmié yich-la ki sòti adan lanmò, pou divini prèmié-a adan tout bagay ; 28 Sé li nou ka anonsé, lè nou ka avèti tout moun épi nou ka ansénié tout moun épi tout sajès, pou mété douvan Bondié tout moun ki rivé a matirité gras a Kris.