1 Tésalonisien

3 Lè yo ké di : « Mi aprézan lapé épi lasékirité ! », sé alè-tala an sèl dépotjolaj kèy anni tonbé anlè yo, menm manniè doulè akouchman anlè an fanm ansent ; é yo pé ké pé chapé anba sa piès toubannman. 6 Sé pou sa, fòk pa nou dòmi kon sé lézòt la, men annou rété véyatif é annou kontinié ni bon jijman. 8 Men nou ki sé moun lajounen, annou gadé bonsans-nou, annou mété rad lafwa-a épi lanmou-an pou pwotéjé tjè-nou, épi annou mété kas lèspérans-lan ki ka sové, 11 Sé poutji, kontinié ankourajé épi endé kòzòt pou zòt vini pli fò, kon zòt ja ka fè’y la. 12 Nou ka mandé zòt, frè, montré rèspé ba sé moun-lan ki ka travay rèd an mitan zòt, ki ka djidé zòt adan Senyè-a é ki ka avèti zòt, 13 épi ba yo anpil konsidérasion, épi lanmou, pou travay yo ka fè. Rété adan lapé yonn épi lòt. 14 Anplis di sa, frè, mi sa nou ka mandé zòt : avèti moun ki pa lé maché dwèt, palé an manniè pou konsolé moun ki dan lapenn, soutni sa ki fèb, pran pasians épi tout moun. 17 Prédié toulong. 18 Di mèsi pou tout bagay. Sé sa Bondié ka atann di zòt, zòt ki lianné épi Kris Jézi. 21 Vérifié tout bagay ; kontinié rété kolé bò sa ki bon toubannman.