Lik

10 Apré sa, Senyè-a chwézi 70 disip an plis, é i vréyé yo dé pa dé adan tout vil épi tout koté i té ké alé li menm plita. 2 Épi i di yo : « Rékòlt-la gran, men pa ni anlo ouvriyé. Kidonk, priyé Mèt rékòlt-la pou i vréyé ouvriyé adan rékòlt-la. 6 É si zòt jwenn an moun an kay-la ki enmen lapé, lapé-zòt ké rété anlè’y. Men si pa ni, lapé-zòt ké viré anlè zòt. 17 Sé 70 disip-la viré épi lajwa an tjè-yo, épi yo di : « Senyè, menm sé démon-an soumi anba lanmen-nou lè nou ka sèvi non’w. » 20 Men, pa réjwi kòzòt pas sé lèspri-a soumi anba lanmen-zòt ; réjwi kòzòt pas non-zòt matjé adan sièl-la. » 21 A moman-tala, lèspri sen plen’y épi lajwa, é i di : « Man ka louwé’w douvan tout moun, Papa, Senyè sièl-la épi latè-a, pas ou pran tan bien séré sé bagay-tala ba moun ki saj é ba sé gran-grèk la, é ou dévwalé’y ba jenn timanmay. Wi, o Papa, pas ou touvé sa té bon fè konsa. 25 É mi anvwala, an èspésialis Lalwa vini wè’y pou tèsté’y. I mandé’y : « Ansénian, kisa man pou fè pou man rivé ni lavi étèrnèl ? » 27 I réponn : « “Ou dwé enmen Jéova Bondié’w épi tout tjè’w, épi tout nanm-ou, épi tout fòs-ou é épi tout lèspri’w”, épi “ou dwé enmen pwochen’w kon wou menm”. »