Matié

16 « Kidonk, zié-zòt bienéré pas yo ka wè, é zorèy-zòt pas yo ka tann. 18 « Atjèlman, kouté sa sa lé di èkzanp nonm-lan ki simen-an : 23 Sa ki simen asou bon tè-a, sé an moun ki tann pawòl-la, ki konprann li épi alò ka pòté fwi — yonn 100 fwa plis, lòt-la 60 fwa plis, épi an lòt ankò 30 fwa plis. » 34 Jézi sèvi lègzanp pou di foul moun-lan tout sé bagay-tala. Sa vré, lè i té ka palé ba yo, i té toujou ka sèvi lègzanp. 47 « Wayòm sièl-la kon an senn osi. Yo ka ladjé senn-lan an lanmè-a é i ka sanblé tout kalté pwason. 48 Lè i plen, sé péchè-a ka tiré’y anlè plaj-la. Apré sa yo ka asiz pou mété sé bèl pwason-an adan pannié épi yo ka jété sa ki pa bon. 49 Sé sa ké fèt lè monn-tala ké près bout. Sé zanj-lan ké séparé sé moun-lan ki méchan épi sé moun-lan ki jis. 50 É yo ké jété sé méchan-an adan an fou plen difé. Sé la yo ké pléré épi dan-yo ké kratjé. 52 Apré i di : « Adan ka-tala, fòk zòt sav lè an pwofésè ka aprann bagay anlè wayòm sièl-la, i kon mèt an kay ki ka tiré adan trézò’y bagay ki tou nèf épi bagay ki la dépi lontan. » 54 I alé adan réjion’y é i koumansé ansénié sé moun-lan adan sé sinagòg-la. Yo té vréman èstébékwé é yo té ka di : « Koté nonm-tala pran sajès-tala ? Koté i pran pouvwa-a pou fè sé mirak-tala ? 55 Ès sé pa yich chapantié-a ki la ? Ès sé pa manman’y yo ka kriyé Mari ? Ès frè’y sé pa Jak, Jozèf, Simon èk Jida ? 56 Épi ès tout sé sè’y la pa ka viv isiya épi nou ? Alò, ki koté i pran tousa ? » 57 É yo té ka rifizé ni lafwa an Jézi. Jézi di yo konsa : « Yo ka onoré an pwofèt toupatou sòf bò kay-li épi adan fanmiy-li. »