Danièl

25 « Apré i ké sanblé lafòs épi kouraj pou goumen kont wa Li-sid, épi an gran lawmé ; èk wa Li-sid-la li menm ké paré pou ladjè épi an bidim lawmé fò épi puisan menm. Men i pé ké sa pé tjenbé pas yo ké monté konplo kont li. 26 É sé moun-lan ki ka asiz manjé manjé fin épi’y ki ké fè’y tonbé. « Kantapou lawmé’y, dlo ké chayé’y ; èk an patjé moun ké mò. 30 pas bato ki sòti Kitim kay vini kont li, é yo ké krazé lògèy-li. « I kèy viré vini, i kèy anrajé kont lalians sakré-a èk i ké réyisi ; i kèy viré vini é i kèy pran tan gadé moun ki ka tounen do ba lalians sakré-a. 31 Lawmé i vréyé ké lévé doubout ; yo kay dérèspèkté koté sakré-a, chato-fò a, épi yo kay sispann sakrifis touléjou-a. « Épi yo kay enstalé bagay pouri-a ki lakòz dézolasion. 34 Men ansanm yo ké fè yo tonbé, yo ké trapé tibren soukou ; anlo kèy lé flaté yo épi pawòl dous pou vini épi yo. 40 « An tan lafen, wa Li-sid ké monté pran goumen épi’y, é wa Li-nò kèy désann anlè’y vantatè épi cha, kavalié èk anlo bato ; i kay antré adan sé péyi-a épi i kay désann kon an lavalas. 41 I kay antré osi adan Bèl péyi-a, èk anpil péyi ké tonbé. Men mi anvwala sé-tala ki ké chapé anba lanmen’y : Édòm, Moab épi pli gran mòso Amòn. 42 É i ké kontinié lonjé lanmen’y pou atatjé sé péyi-a ; kantapou Léjip, i pé ké chapé. 43 Wi, trézò ki séré, lò èk lajan, épi tout bagay ki ni valè Léjip, i kéy dominé anlè yo. Sé Libien-an épi sé Étjopien-an ké suiv li.