2 Piè

3 Pou koumansé, sav ki adan sé dènié jou-a i ké ni motjè ki ké motjé kòyo, é ki ké fè sa yo anvi fè 4 épi yo ké di : « Oti prézans-li i té pwonmèt la ? Dépi jou-a zansèt-nou ka dòmi an lanmò, tout bagay ka rété menm manniè-a dépi okoumansman lakréyasion ! » 6 é pa sé mwayen-tala monn-lan a lépòk-tala détwi, lè i disparèt anba dlo. 8 Men, zòt man enmen anpil, fòk zòt pa bliyé sa : pou Jéova, an jou kon mil lanné é mil lanné kon an jou. 9 Sé pa lant Jéova lant pou i réyalizé pwonmès-li, kon yonn-dé moun ka kwè, men sé pasian i pasian épi zòt, pas i pa lé menm an sèl moun détwi, men i lé tout moun ripanti kòyo. 11 Pas tout sé bagay-tala pou disparèt konsa, katjilé asou ki modèl moun zòt pou yé, moun ki ni an konduit ki sen épi ki ka fè aksion ka montré yo enmen Bondié, 12 toupandan nou ka atann épi toujou gadé an lèspri-nou jou Jéova-a, okèl sièl-la menm kèy disparèt nan flanm èk mòso ki ta’y kèy fonn anba chalè difé ! 13 Men silon pwonmès-li, nou ka atann an sièl épi an latè tou nèf, oti i ké toujou ni lajistis. 14 Sé poutji, zòt man enmen, davwè zòt ka atann sé bagay-tala, fè tousa zòt pé pou anfinaldikont i touvé zòt san tach, san défo, é dan lapé. 15 Épi wè pasians Senyè-nou kon an manniè pou nou sové, kon frè-nou Pòl, nou enmen anpil, matjé’y ba zòt silon sajès-la i risivwè-a, 16 pas i ka palé di sé bagay-tala adan tout sé lèt-li a. Men, andidan yo ni bagay ki rèd pou konprann, bagay sé moun-lan ki pa konnèt ayen épi ki pa sav sa yo lé, ka détounen, menm manniè yo ka fè épi lérèstan sé Lékriti-a pou pwòp kondanasion-yo. 17 Sé pou sa, zòt nou si enmen, zòt ki sav tousa alavans, rété véyatif, pou moun ki kont lalwa pa trennen zòt épi yo adan lérè-yo, épi pou zòt pa pèd létjilib-zòt.