2 Tésalonisien

3 Frè, nou ka toujou santi kònou oblijé di Bondié mèsi ba zòt. É sa nòwmal, pas lafwa-zòt ka vini toujou pli fò, é lanmou zòt tout ni yonn pou lòt, ka vini pli gran. 4 Sé poutji nou fiè lè nou ka palé di zòt adan sanblé Bondié, palakòz landirans épi lafwa zòt ni douvan tout pèsékision é difikilté zòt ka sipòté. 6 Pas sa vré, sa jis pou Bondié fè moun ki ka fè zòt soufè, soufè yo menm osi. 7 Men, zòt ki an lapenn, zòt ké ni an soulajman ansanm épi nou, lè Senyè-a Jézi ké parèt an sièl-la épi zanj-li ki puisan, 8 adan an gran flanm difé, lè vanjans-li ké tonbé anlè moun ki pa konnèt Bondié, épi anlè moun ki pa ka obéyi bon nouvèl-la asou Senyè-nou, Jézi.