Jan

16 É menmsi sa ka rivé mwen jijé, jijman-mwen vré, davwé man pa tou sèl, pas Papa-a ki vréyé mwen épi mwen. 29 É moun-lan ki vréyé mwen, la épi mwen ; i pa kité mwen tou sèl, pas man toujou ka fè bagay ki ka fè’y plézi. » 31 Apré sa, Jézi di sé Juif-la ki té kwè an li : « Si zòt ka rété kolé anlè pawòl-mwen, zòt sé disip-mwen menm, 32 é zòt ké konnèt lavérité, é lavérité kay rann zòt lib. » 44 Zòt menm, zòt ka vini di papa-zòt Djab-la, é sa papa-zòt anvi, sé sa zòt lé fè. Dépi i koumansé sé té an asasen, é i pa tjenbé adan larèl vérité-a, pas i pa ni piès vérité andidan’y. Lè i ka manti, sé an tjè’y sa ka sòti, pas sé an mantè é papa mansonj-lan. 46 Kilès adan zòt pé di man péché ? Si man ka di lavérité, poutji zòt pa ka kwè mwen ?