Akt

3 Aprézavwè i soufè, i parèt douvan yo pliziè fwa, i té ka ba bon prèv pou ba yo lasirans i té vivan. Yo wè’y pandan 40 jou, é i té ka palé yo di wayòm Bondié. 6 Lè yo viré sanblé ansanm, yo mandé’y : « Senyè, ès sé atjèlman ou kay viré mété doubout wayòm Izrayèl-la ? » 7 I di yo : « Sé pa a zòt di konnèt tan épi lépòk ki anba pwòp pouvwa Papa-a. 8 Men zòt ké risivwè puisans lè lèspri sen ké vini anlè zòt, é zòt ké sèvi mwen témwen Jérizalèm, adan tout Lajidé é Lasamari, épi jis koté ki pli lwen anlè latè. » 10 É yo té ka gadé sièl-la toupandan i té ka pati, épi dé nonm èk rad blan parèt bò yo 11 épi yo di : « Nonm Lagalilé, poutji zòt ka rété la ka gadé sièl-la ? Jézi-tala ki pati kité zòt pou monté an sièl, ké viré vini menm manniè-a zòt wè’y monté an sièl-la. » 13 Lè yo rivé la yo té ka rété, yo monté an piès-la ki té anlè a. I té ni Piè épi Jan èk Jak é André, Filip épi Toma, Bartélémi é Matié, Jak fis Alfé, Simon yo té ka kriyé « moun-lan ki ni balan » épi Jida fis Jak. 14 Ini adan menm manniè wè a, yo tout la té ka prédié san rété. Épi yo té ni yonn-dé madanm épi yo, kontèl Mari, manman Jézi, épi sé frè Jézi-a. 24 Apré yo fè lapriyè-tala : « O Jéova, wou ki konnèt tjè tout moun, montré nou ki moun adan sé dé nonm-tala ou chwézi 25 pou risivwè ministè-tala é pou vini apòt, épi pou pran plas-la Jida ladjé pou i pé sa pati pran plas-la ki té ta’y la. »