Mak

9 Kidonk, piès moun pa pou séparé sa Bondié mété anba menm jouk-la. » 17 Lè Jézi té ka vini pou pati, an nonm kouri jwenn li, tonbé ajounou douvan’y épi i mandé’y : « Bon Ansénian, kisa man pou fè pou ni lavi étèrnèl ? » 18 Jézi réponn li : « Poutji ou ka kriyé mwen bon ? Pa ni pèsonn ki bon, sòf an sèl : Bondié. 19 Ou konnèt sé koumandman-an : “Fòk pa ou asazinen. Fòk pa ou konmèt ladiltè. Fòk pa ou vòlè. Fòk pa ou fè fo témwayaj. Pa kouyonnen moun pou pran sa ki ta yo. Ba papa’w épi manman’w lonnè.” » 20 Nonm-lan di’y konsa : « Ansénian, man ka obéyi tout sé koumandman-tala dépi man tibolonm. » 21 Jézi gadé’y épi i risanti lanmou ba’y é i di’y : « I mantjé’w an sèl bagay : Alé vann tousa ou ni épi ba moun ki maléré, konsa ou kèy ni an trézò adan sièl-la. Apré, vini, suiv mwen. » 22 Lè nonm-lan tann répons Jézi, sa fè’y lapenn, épi i pati tou tris, pas i té ni anlo bien. 29 Jézi réponn : « Fwanch vérité man ka di zòt, pèsonn pa kité pou mwen é pou bon nouvèl-la, kay, frè, sè, manman, papa, timanmay, ouben chan, 30 si i pa risivwè san fwa plis dépi aprézan, kay, frè, sè, manman, timanmay épi chan, épi pèsékision tou, é adan monn nouvo-a, lavi étèrnèl. 43 Men sé pa konsa sa pou fèt ant zòt : moun-lan ki lé vini gran sé li ki pou sèvi zòt, 44 é moun-lan ki lé prèmié plas-la, sé li ki pou èsklav-zòt. 45 Pas Yich nonm-lan pa vini pou moun sèvi’y, men pou sèvi é ba lavi’y kon an ranson pou libéré an patjé moun. » 52 Jézi di’y : « Ou pé alé, sé lafwa’w ki djéri’w. » Lamenm i viré wè klè, é i mété kòy ka suiv Jézi.