Women

6 Sa vré, mété lidé’w sèlman asou lachè ka mennen’w a lanmò, men mété lidé’w asou lèspri-a ka mennen’w la ki ni lavi épi lapé ; 7 pas lè ou fiksé lidé’w asou lachè ou ka vini lènmi Bondié, pas lachè pa anba lalwa Bondié, é dayè, i pé pa anba’y. 8 Kidonk moun ki ka viv silon lachè pé pa fè Bondié plézi. 11 Kidonk si lèspri Moun-lan ki résisité Jézi ka abité andidan zòt, Moun-lan ki résisité Kris Jézi kèy ba zòt lavi osi adan kò péchè zòt, gras a lèspri ka abité andidan zòt. 15 Pas, zòt pa risivwè an lèspri lèsklavaj ki té ké fè zòt pè ankò, men zòt risivwè an lèspri ki ka fè Bondié adòpté zòt kon yich-li, é sé lèspri-tala ki ka fè nou kriyé : « Abba, Papa ! » 16 Lèspri-a li menm ka témwayé épi lèspri-nou, nou sé yich Bondié. 17 Kidonk, si nou sé yich, nou ka éritié tou (wi, éritié Bondié, men nou ka éritié ansanm épi Kris), a kondision nou soufè épi Kris pou nou trapé laglwa épi’y osi. 21 lakréyasion osi kay sòti anba lèsklavaj pourisman pou i rivé genyen gran é bèl libèté yich Bondié. 22 Pas nou sav tout kréyasion-an pa ka rété jémi ansanm épi soufè ansanm jis aprézan. 35 Kisa ki sé pé séparé nou épi lanmou Kris-la ni pou nou ? Léprèv, langwas, lapèsékision, lè vant-nou vid, lè nou tou-ni, douvan danjé oben kout lépé ? 36 Kon sa matjé, « pas nou ka sèvi’w, touléjou yo ka tjwé nou ; yo ka gadé nou kon mouton yo pou mennen labatwa ». 37 Okontrè, adan tout sé bagay-tala, nou ka genyen an viktwa antiè épi favè’y, li ki té enmen nou. 38 Pas man asiré sèten, ni lanmò ni lavi, ni zanj ni gouvènman, ni bagay jòdi ni bagay dèmen, ni puisans, 39 ni wotè ni pwofondè, ni piès dòt bagay adan lakréyasion, pé ké pé séparé nou di lanmou-a Bondié ni ba nou, an lanmou ki adan Kris Jézi Senyè-nou.