1 Samièl

45 David réponn Filistin-an : « Ou ka vini douvan mwen épi an lépé, an lans é an javlo, men mwen, man ka vini douvan’w épi non Jéova Chèf sé lawmé-a, Bondié lawmé Izrayèl ou pwovotjé. 46 Jòdi-a menm, Jéova ké ladjé’w an lanmen-mwen : man ké tjwé’w é man ké koupé tèt-ou. Jòdi-a menm, man ké ba sé zibié-a é sé zannimo sovaj-la kadav sé sòlda filistin-an ; é tout moun asou latè kèy sav i ni an Bondié an Izrayèl. 47 Épi tout sé moun-lan ki sanblé isiya kéy sav Jéova pa bizwen ni lépé ni lans pou sové nou. Sé Jéova ki ka désidé manniè konba-a kéy bout, é i kéy fè nou genyen kont zòt.