2 Timoté
7 Pas Bondié pa ba nou an lèspri moun krapon, men an lèspri puisans, lanmou épi bon sans. 8 Kidonk, pa wont anonsé bon nouvèl-la asou Séniè-a é pa wont mwen non pli, mwen ki lajòl pou non’y, men fòk ou paré soufè pou bon nouvèl-la toupandan ou ka apiyé anlè puisans Bondié. 10 men aprézan nou ka wè favè-tala bienkonmifo gras a Sovè-nou, Kris Jézi. I aboli lanmò é i fè nou konprann kisa ki lavi épi kisa ki an kò ki pé pa pouri gras a bon nouvèl-la. 11 É sé pou sa yo chwazi mwen pou préché, pou vini apòt épi ansénian. 13 Kontinié pran ègzanp anlè sé bon pawòl-la man ba’w la. Fè sa épi lafwa-a é lanmou-a ki adan Kris Jézi. 15 Kon ou sav, tout sé nonm-lan pa koté téritwè Lazi, kontèl Fijèl é Èrmojèn, yo ladjé mwen. 16 Man sé lé Senyè-a montré mizérikòd ba lafanmi Onézifò, pas souvantman i dousi tjè-mwen. Anplis i pa té ka wont chenn ki té ka maré mwen. 17 Okontrè, lè i vini pa koté Wòm, i pran tan chaché mwen, èk i touvé mwen. 18 Man sé lé Senyè Jézi ouvè ba’y pou i touvé mizérikòd obò Jéova jou-tala. Ou sav mié pasé pèsonn tousa i ja fè ba mwen Éfèz.