Nonb

30 Kidonk, Kalèb éséyé kalmé pèp-la ki té douvan Moyiz, lè i di : « Annou monté lamenm, é asiré, nou ké pran péyi-a. Nou pé pran’y ba kònou poubon ! » 31 Men sé nonm-lan ki té monté épi’y la, di : « Nou two fèb pou doubout douvan pèp-tala, i fò pasé nou. » 32 É yo té ka kontinié di mové pawòl anlè péyi-a yo té alé gadé a ; yo té ka di sé Izrayélit-la : « Péyi-a nou alé gadé a, sé manjé i ka manjé moun ka viv adan ; é tout sé nonm-lan nou wè laba-a, yo ni an wotè èstwòdinè. 33 Laba-a, nou wè sé Néfilim-lan, yich Anak, yo sé désandan sé Néfilim-lan ; a koté yo, nou té ka sanm ti sotrèl, é sé konsa yo menm té ka wè nou tou. »