Nonb

14 Alò tout sanblé-a lévé lavwa, é pèp-la kriyé épi pléré tout lannuit-tala. 2 Tout sé Izrayélit-la koumansé bougonnen kont Moyiz épi Arawon, épi yo tout té ka di : « Domaj nou pa mò lè nou té Léjip, domaj nou pa mò lè nou té adan dézè-tala ! 3 Poutji Jéova ka mennen nou adan péyi-tala pou yo tjwé nou épi lépé ? Madanm-nou épi yich-nou ké ta dòt moun. Ès sa pa méyè nou viré Léjip ? » 4 Yo té ka jis di kòyo yonn a lòt : « Annou mété an chèf anlè tèt-nou épi annou viré Léjip ! » 22 Kantapou sé nonm-lan ki wè laglwa-mwen épi sin man réyalizé Léjip épi adan dézè-a, é ki poutan tèsté mwen sé dis fwa-tala épi pa kouté vwa-mwen, piès adan yo, 23 yo pé ké wè péyi-a éti man jiré ba papa-yo. Non, piès adan sé moun-lan ki ka mantjé mwen rèspé pé ké wè’y. 34 Pas zòt pasé 40 jou ka òbsèvé péyi-a, zòt ké ni pou péyé pou fòt zòt pandan 40 an, an jou pou an lanné, an jou pou an lanné. Konsa zòt ké sav sa sa ka fè lè an moun ka vini lènmi-mwen. 39 Lè Moyiz di sé pawòl-tala ba tout sé Izrayélit-la, pèp-la antré adan an gran dèy. 40 Apré sa, yo lévé bonnè bonmaten é yo té lé monté anwo sé montann-lan, épi yo té ka di : « Nou péché. Men mi nou aprézan, paré pou monté koté-a Jéova té palé a. » 41 Men Moyiz di : « Poutji zòt pa ka obéyi lòd Jéova ? Zòt pé ké réyisi. 42 Fòk pa zòt monté, pas Jéova pa épi zòt, é lènmi-zòt kèy genyen zòt. 43 Pas sé Amalésit-la épi sé Kananéyen-an douvan zòt, é sé anba lépé zòt ké mò. Pas zòt tounen do ba Jéova, Jéova pé ké épi zòt. » 44 Men lòwgèy-yo fè yo monté kanmenm anwo sé montann-lan, men lawch Lalians Jéova-a épi Moyiz pa kité kan-an. 45 Alò sé Amalésit-la épi sé Kananéyen-an ki té ka rété anlè sé montann-tala désann goumen épi yo épi kouri dèyè yo jik Òwma.