1 Timoté

3 Sa sé an pawòl ki bien vré : Lè an nonm anvi vini an rèsponsab, sé an bèl bagay i lé. 2 Kidonk, fòk yo pa ni ayen pou ripwoché an rèsponsab, fòk i mayé épi an sèl madanm, fòk i rézonnab adan labitid-li, i ni bon sans, i ni lòd an zafè’y, i enmen akéyi moun, i sa ansénié, 3 fòk pa i tafiatè, ni an nonm violan, men an nonm ki rézonnab, ki pa ka fè kankan, ki pa voras lajan, 4 fòk sé an nonm ki ka bien jéré lafanmi’y, ki ka tjenbé tjanmay-li anba lanmen’y épi rèspé 5 (pas si an nonm pa sa jéré fanmiy-li, ki manniè i ké pé swen sanblé Bondié-a ?), 6 fòk pa sé an nonm ki fini batizé, pou i pa koumansé bat lèstonmak-li épi tonbé anba menm kondanasion épi Djab-la. 7 Anplis di sa, moun ki an déwò sanblé-a pou pòté an bèl témwayaj anlè’y, pou i pa wont èk tonbé adan an zatrap Djab-la. 8 Menm manniè-a, fòk sé asistan-an sé dé nonm ki sérié, ki pa ka kouyonnen moun adan pawòl-yo, ki rézonnab lè yo ka bwè diven, ki pa ka chèché trapé an bénéfis malonnètman, 9 ki ka rété kolé anlè sikré lafwa-a ki sakré épi an konsians ki pwòp. 10 Anplis, fòk tèsté yo pou wè sa yo kapab fè ; épi si pa ni piès akizasion anlè do-yo, yo pé sèvi kon minis. 11 Menm manniè-a, fòk sé madanm-lan sérié, fòk pa yo palé moun mal, fòk yo rézonnab adan labitid-yo, épi fidèl adan tout bagay. 12 Fòk sé asistan-an mayé épi an sèl madanm, épi dirijé tjanmay-yo èk fanmi-yo an bèl manniè. 13 Pas nonm ki ka sèvi an bèl manniè, ka trapé an bèl répitasion épi an gran lasirans pou yo palé asou lafwa adan Kris Jézi. 16 Wi, fòk admèt ki sikré lanmou pou Bondié ki sakré gran : « Jézi divini an nonm, Bondié déklaré’y jis lé’y té an lèspri, i parèt douvan sé zanj-lan, moun préché non’y an mitan sé nasion-an, moun kwè sa i té ka di adan monn-lan, Bondié fè’y monté an sièl adan laglwa. »