Nonb

8 Alò Moyiz di Koré :« Kouté, souplé, yich Lévi. 9 Ès sa pa ni piès lenpòwtans pou zòt ki Bondié Izrayèl séparé zòt di lèrèstan pèp Izrayèl-la, pou pèwmèt zòt vini obò’y pou fè sèvis tabèrnak Jéova-a, é pou zòt pé rété doubout douvan pèp-la pou sèvi’y ? 10 Wi, i fè’w vini toupré’y, wou épi sé frè’w la, yich Lévi. Ès fòk zòt chèché osi an manniè pou trapé laprétriz ? 31 Yo poko té fini di sé pawòl-tala, latè-a anni fann anba pié-yo. 32 Latè-a anni wouvè épi valé yo, yo, fanmi-yo, épi tout sé moun-lan ki té épi Koré, épi tousa ki té ta yo. 33 Yo épi tout sé moun-lan ki té épi yo a, désann tou vivan adan Tonm-lan, é latè kouvè yo, asipwen yo disparèt an mitan lasanblé-a. 34 Lè yo tann yo ka kriyé, tout sé Izrayélit-la ki té alantou yo pran kouri épi yo té ka di :« Latè-a ké valé nou osi ! » 35 Aprésa, an difé ki té ka vini di Jéova brilé an sann sé 250 nonm-lan ki té ka ofè lansan-an.