Jérémi

15 Man ké ba zòt bèrjé ki ka aji silon volonté-mwen, é yo ké nouri zòt épi konésans èk entélijans. 17 An tan-tala, yo ké kriyé Jérizalèm twòn Jéova-a. É tout sé nasion-an ké sanblé Jérizalèm pou gloriyé non Jéova épi yo pé ké kontinié suiv vié mès ankò, kon dé antété. » 18 « An tan-tala, pèp Jida-a épi pèp Izrayèl-la ké maché ansanm, kantékant, é sé ansanm yo ké kité péyi li-nò pou antré adan péyi-a man ba zansèt-zòt kon an léritaj. 19 Man té ka di kòmwen : “Sé pa ti kontan man té kontan lè man adopté’w kon gason-mwen, é lè man ba’w pli bèl péyi-a ki ni, pli bèl léritaj-la ou sé pé trapé an mitan sé nasion-an !”‏ An lidé-mwen, ou té ké kriyé mwen “Papa-mwen !”‏ é janmen ou pa té ké sispann suiv mwen. 20 “Wi, kon an madanm ki ka trayi mari’y épi ki ka kité’y, wou, o pèp Izrayèl-la, ou trayi mwen”‏, sé sa Jéova di. »