Ébré

5 Sé poutji, lè i ka antré an monn-lan, i ka di : « “Ou pa té lé ni sakrifis ni ofwann, men ou préparé an kò pou mwen. 6 Ou pa aksèpté ni sakrifis-brilé-antiè ni sakrifis pou péché-a.” 7 Alò man di : “Gadé ! Man ka vini (mi sa ki matjé adan woulo-a anlè mwen) pou fè volonté’w, o Bondié !” » 8 Pou koumansé i di : « Ou pa té lé é ou pa aksèpté sakrifis, ofwann, sakrifis-brilé-antiè é sakrifis pou péché-a » — sakrifis ki ofè silon lalwa —, 9 aprésa i di : « Gadé ! Man ka vini pou fè volonté’w. » I ka tiré prèmié-a pou établi sigon-an. 11 Anplis, tout prèt ka pran travay-li chak jou pou ba an sèvis ki sen épi pou fè pliziè fwa sé menm sakrifis-la, ki pé pa jenmen tiré sé péché-a vréman. 12 Men nonm-tala ofè an sèl sakrifis pou sé péché-a an sèl fwa pou tout, épi i asiz adwèt Bondié, 13 é dépi sa, i ka atann jiktan yo mété lènmi’y kon an ti-ban pou pié’y. 24 Épi annou jété an zié yonn anlè lòt, pou ankourajé yonn lòt a lanmou épi fè bèl aksion ; 25 annou pa ladjé réyinion-nou, kon yonn-dé ni labitid fè, pou nou ba kònou kouraj yonn a lòt, plis ankò pas jou-a près rivé. 34 Pas zòt té ni konpasion ba moun ki té lajòl é zòt aksèpté épi tjè-kontan yo vòlè tousa ki ta zòt, pas zòt sav, zòt ni an bien ki méyè é ki ka diré. 35 Kidonk, pa sispann palé épi lasirans é zòt ké trapé an bondans rékonpans. 36 Pas zòt bizwen landirans, pou aprézavwè zòt fè volonté Bondié, zòt wè pwonmès-la réyalizé. 37 Pas ankò « an ti zizing tan » é « moun-lan ki pou vini ké rivé, é i pé ké tadé ». 38 « Men moun-mwen ki jis ké viv gras a lafwa », é « si i fè dèyè, man pé ké kontan’y ». 39 Dayè, nou pa moun ka fè dèyè pou nou mò, men nou sé moun ki ni lafwa pou sové lavi-nou.