Izayi

1 Vision-an Izayi yich Amòz té ni, an rapò épi Jida èk Jérizalèm, antan Ozias, Jotam, Akaz épi Ézékias, wa Jida : 2 O sièl, kouté, o tè, pran tan kouté, pas Jéova palé : « Man élivé yich, man ba yo édikasion, men yo ribélé kont mwen. 3 Toro-a bien konnèt moun-lan ki achté’y, é bourik-la bien konnèt manjwa mèt-li ; men Izrayèl pa konnèt mwen, pèp-mwen pa entèlijan. » 4 Malè pou nasion-an ki adan péché-a, pou pèp-la ki chajé épi fòt, ras nonm mové, timanmay pouri ! Yo ladjé Jéova, yo trété san rèspé Sen Izrayèl-la, yo tounen do ba’y. 18 Épi Jéova di : « Vini, épi annou viré-mété tout bagay an lòd ant nou. Menm si péché-zòt wouj, yo kèy vini blan kon lanèj ; menm si yo kon twèl wouj fonsé, yo kèy vini blan kon lalenn.