Jak

2 Pas nou tout la, nou ka trilbiché souvan. Si an moun pa ka trilbiché épi pawòl-li, sé an nonm ki pawfé, ki kapab kontwolé tout kò’y osi. 3 Si nou ka mété an brid adan bouch chouval pou yo obéyi nou, nou ka rivé dirijé tout kò-yo. 4 Gadé sé bato-a osi : menm si yo ni kont grandè-yo épi gwo van ka pousé yo, sé épi an toupiti gouvènay moun-lan ka dirijé bato-a ka mennen’y koté-a i lé a. 5 Menm manniè-a, lang-lan sé an toupiti mòso adan kò-a, magré sa sé pa ti vanté i ka vanté kòy. Gadé ki manniè an ti difé sèlman pé brilé an gran forè ! 6 Lang-lan sé an difé. Lang-lan ka riprézanté tout lenjistis ki andidan kò-nou, pas i ka sali tout kò-a, é i ka fè tout lavi an moun pri difé, é li menm sé lajéyèn ki ka fè’y pri difé. 8 Men piès nonm pé pa rivé kontwolé lang-lan. I mové, san larèl, chajé épi an pwazon ka tjwé. 17 Men sajès-la ki sòti an sièl, dabò i pwòp, apré i ka chèché lapé, i rézonnab, i paré pou obéyi, plen épi mizérikòd épi i ka fè anpil bon aksion, i pa ka fè préférans, i pa ipokrit. 18 Anplis di sa, moun ki ka chèché lapé ka simen grenn lajistis adan lapé.