Sòm

5 Pas sé wou ki lèspwa-mwen, o Senyè Mèt linivè Jéova ; dépi mwen jenn man ni konfians an wou. 6 Dépi man nèt sé anlè’w man ka apiyé ; sé wou ki fè mwen sòti an vant manman-mwen. Man ka gloriyé’w san rété. 8 Bouch-mwen plen louwanj ba’w ; tout lajounen, man ka palé manniè ou bèl. 9 Pa mété mwen asou koté lè man vini vié ; pa ladjé mwen lè man pa rété lafòs ankò. 14 Kantapou mwen, man ké kontinié atann ; man ké louwé’w plis ankò. 15 Tout lajounen bouch-mwen ké rakonté lajistis-ou, aksion ou ka fè pou sové moun. Poutan, i ni twòp pou man pé sa konté yo. 16 Man ké vini pou rakonté ki manniè ou puisan, o Senyè Mèt linivè Jéova ! Man ké palé di lajistis ki ta’w, ta’w la sèlman. 17 O Bondié, ou ansénié mwen dépi jénès-mwen é jik aprézan mwen ka pwoklamé bèl travay èstwòdinè ou fè. 18 Magré viéyès-mwen é chivé blan mwen, o Bondié, pa abandonnen mwen. Pèwmèt mwen rakonté fòs-ou ba jénérasion-an ki ka vini é puisans-ou ba tout nonm ki ké nèt. 23 Mwen ké chanté louwanj-ou bien fò épi tjè-kontan, pas ou sové lavi-mwen.