Izayi
35 Dézè épi péyi san dlo kay kriyé lajwa. Plenn tou sèk-la kèy kontan, i kèy fléri kon flè safwan. 2 Asiré i ké fléri ; tjè’y ké kontan é i ké kriyé lajwa. Sé laglwa Liban i ké ni, bèlté Karmèl épi Sawon. Yo ké wè laglwa Jéova, bèlté Bondié-nou. 5 A lè-tala, zié moun ki avèg èk zorèy moun ki soud kèy ouvè. 6 A lè-tala, moun-lan ki ka brété ké soté kon kabrit, é lang moun-lan ki pa jen palé ké kriyé lajwa. Dlo ké tijé adan dézè-a, épi lavalas dlo ké koulé adan savann ki sèk. 8 Koté-tala, ké ni an gran lawout. Wi, an chimen yo ké kriyé Chimen-an ki sakré. Moun-lan ki pa sen pé ké pasé la. Sé yenki sé moun-lan ki ni dwa pasé la ki ké maché anlè’y ; piès moun sòt pé ké alé-vini anlè’y.