Révélasion

20 É man wè an zanj désann di sièl-la, i té ni an lanmen’y laklé twou san fon-an èk an gran chenn. 2 I tjenbé dragon-an, prèmié sèpan-an, ki sé Diab-la épi Satan, é i maré’y pou 1 000 lanné. 3 É i jété’y adan twou san fon-an, i fenmen twou-a épi i bouché’y pou i pa garé sé nasion-an ankò jiktan sé 1 000 lanné-a fini. Apré sa, yo ké libéré’y pou an ti moman. 5 (Lézòt moun mò-a pa koumansé viv avan lafen sé 1 000 an-an.) Sé sa prèmié rézirèksion-an. 12 É man wè sé moun-lan ki mò, gran kon piti, ki té doubout douvan twòn-lan, é yo ouvè woulo. Apré sa yo ouvè an lòt woulo ; sé woulo lavi-a. Yo jijé sé mò-a dapré sa ki té matjé adan sé woulo-a, silon aksion-yo. 13 É lanmè-a rann tout moun mò ki té andidan’y, é lanmò èk Tonm-lan rann tout moun mò ki té andidan yo, é yo jijé yo chak la silon aksion-yo. 14 Épi yo jété lanmò èk Tonm-lan adan lak difé a. Lak difé a ka riprézanté dézièm lanmò-a.