Révélasion

19 Apré sa, man tann an gwo vwa ki sòti an sièl-la ki té ka sanm vwa an gran foul. I té ka di : « Louwé Ja ! Délivrans, laglwa épi puisans, sé ta Bondié-nou, 2 pas jijman’y vré épi jis. Pas i kondané gran pwòstitié-a ki té ka sali latè-a épi péché sèksièl-li, é i vanjé san èsklav-li ki té anlè dé lanmen gran pwòstitié-a. » 3 É lamenm, foul-la di an dézièm fwa : « Louwé Ja ! Pas lafimen vil-la ki pri difé, ka kontinié monté pou tout tan ! » 10 Alòs, man tonbé an pié’y pou adoré’y. Men i di mwen : « Prangad ! Pa fè sa piès ! Man sé an èsklav kon wou menm, kon sé frè’w la ki ni lonnè ba témwayaj-la asou Jézi. Adoré Bondié ! Témwayé asou Jézi, sé pou sa yo ékri sé pwofési-a. » 11 Man wè sièl-la wouvè, é gadé ! an chouval blan parèt. É non moun-lan ki asiz anlè do chouval-la sé Fidèl é Véridik, é sé épi jistis i ka jijé épi fè ladjè. 12 Zié’y sé an flanm difé, é anlè tèt-li i ni anlo kouwòn. I ni an non matjé anlè’y, é pèsonn pa konnèt non-tala sòf li. 13 I abiyé épi an rad ki taché épi san, é yo ka kriyé’y « Pawòl Bondié ». 14 Sé lawmé sièl-la té ka suiv li anlè chouval blan. Yo té abiyé épi rad blan épi pwòp ki té fèt adan an bon kalité len. 15 É an gran lépé bien filé ka sòti an bouch-li, pou i pé sa frapé sé nasion-an, épi i kéy gidé yo épi an baton an fè. Anplis, sé li ki ka krazé sé rézen-an adan basen-an ki ka riprézanté gwo kolè Bondié Tou-Puisan-an. 16 Anlè rad-li, wi, anlè tjuis-li, i ni an non ki ékri : Wa tout wa épi Senyè tout senyè. 17 Man wè tou, an zanj doubout an solèy-la, épi i rélé bien fò ba tout zwézo ka volé an mitan sièl-la : « Vini isiya, sanblé kòzòt pou gran fèsten Bondié, 18 pou manjé lachè sé wa-a, lachè sé chèf militè a, lachè sé nonm fò a, lachè sé chouval-la épi lachè kavalié-yo, épi lachè tout moun, ki nonm lib, ki èsklav, ki piti, ki gran. » 19 É man wè bèt sovaj-la épi sé wa latè-a épi lawmé-yo ; yo tout té sanblé pou fè ladjè kont moun-lan ki asiz anlè chouval-la é kont lawmé’y. 20 É yo tjenbé bèt sovaj-la, épi fo pwofèt-la ki réyalizé sin douvan’y ; sin i sèvi pou garé sé tala ki risivwè mak bèt sovaj-la épi sé tala ki ka adoré zimaj-li. Yo jété tou lé dé tou vivan, adan lak-la ki ni difé épi souf adan’y. 21 Men moun-lan ki asiz anlè chouval-la tjwé lézòt moun-lan épi gran lépé-a ki té ka sòti an bouch-li. Épi tout sé zwézo-a manjé lachè-yo jiktan bouden-yo plen.