Révélasion

3 Biennéré moun-lan ki ka li tou wo, épi sé moun-lan ki ka tann pawòl pwofési-tala épi ki ka aplitjé sa ki ékri adan’y, pas tan-an ki fiksé près rivé. 4 Sé mwen Jan ki ka ékri, ba sé sèt sanblé-a ki adan téritwè Lazi : Man sé lé zòt ni favè épi lapé ki ka vini di « moun-lan ki la, ki té la é ki ka vini », épi di sé sèt lèspri-a ki douvan twòn-li, 5 é di Jézikri, Témwen fidèl-la, prèmié-a ki sòti anba lanmò, èk chèf tout wa ki asou latè. Li ki enmen nou, é ki libéré nou anba péché-nou épi pwòp san’y — 6 li ki fè nou vini wa épi prèt pou Bondié’y ki Papa’y osi —, wi, li ki ni dwa risivwè laglwa épi puisans pou toujou. Amèn. 9 Mwen, Jan, frè-zòt ki ka sibi pèsékision ansanm épi zòt, ki ka partajé wayòm-lan èk landirans-lan épi Jézi, man té anlè zil-la yo ka kriyé Patmòs davwè man té palé di Bondié épi man té ba témwayaj asou Jézi. 10 Gras a lèspri sen, man rivé jou Senyè-a, épi man tann an gwo vwa dèyè mwen, kon an son twonpèt, 11 vwa-a té ka di : « Sa’w ka wè, matjé’y adan an woulo épi vréyé’y ba sé sèt sanblé-a : Éfèz, Èsmirn, Pèrgam, Tiyati, Sard, Filadèlfi épi Laodisé. »