Matié

6 Men an jou, pandan lannivèrsè Éwòd, tifi Éwodiad-la dansé douvan sé envité-a, é Éwòd té kontan’y tèlman 7 i jiré ba’y tousa i té ké mandé’y. 8 Aprézavwè i kouté konsèy manman’y, i di : « Ba mwen isiya menm asou an plato, tèt Jan Lèbatis. » 9 Sa fè wa-a lapenn, men palakòz i té fè sèwman douvan sé moun-lan ki té la ka manjé épi’y, i ba lòd pòté tèt Jan ba’y. 10 I vréyé an moun koupé tèt Jan adan lajòl-la. 17 Yo réponn li : « Sa nou ni isiya sé senk pen épi dé pwason. » 18 I di : « Pòté yo ba mwen. » 19 Apré i ba sé moun-lan lòd asiz anlè zèb-la. I pran sé senk pen-an épi sé dé pwason-an, i lévé zié’y an sièl-la épi i prédié. Aprézavwè i kasé yo, i ba sé disip-li a sé pen-an é yo distribié yo adan foul-la. 20 Konsa tout moun manjé é vant-yo té plen. É yo ranmasé sé mòso-a ki té rété : yo plen 12 pannié. 21 Té ni apépré 5 000 nonm ki manjé san konté fanm épi timanmay. 23 Aprézavwè i fè foul moun-lan pati, i monté tou sèl anlè montann-lan, pou prédié. Lè lannuit tonbé, i té la, tou sèl.