Women
12 Frè-mwen, man ka sipliyé zòt, épi konpasion Bondié ni, ofè pwòp kò-zòt, konsidiré sé an sakrifis vivan, sen, an sakrifis Bondié pé asèpté : an ladorasion sakré zòt ka ofè’y épi kapasité zòt ni pou rézonnen. 2 Pa kité monn-tala fè sa i lé épi zòt ankò, men chanjé mantalité pou mofwazé kòzòt, pou zòt pé sa chèché-wè zòt menm sa ki volonté Bondié : sa ki bon, sa ki korèk, sa ki pawfé. 3 Pas, parapòt a favè yo ba mwen, favè man pa mérité, man ka di zòt chak la, pa kwè i sé plis ki sa i yé, men fòk i ni bon jijman adan manniè wè’y, silon mizi lafwa Bondié ba zòt chak. 5 kidonk nou menm, magré nou anpil, nou ka fòwmé an sèl kò lianné épi Kris, men, nou chak la, nou sé manb ki ini yonn épi lòt. 9 Fòk lanmou-zòt san piès makakri. Rayi sa ki mové, rété kolé anlè sa ki bon. 10 Enmen kòzòt kon adan an fanmi épi fo ni anlo afèksion yonn ba lòt. Fo zòt toujou pran douvan pou ba yonn a lòt lonnè. 11 Travay rèd, pa fè fenyan. Apiyé asou lèspri Bondié pou ni anpil balan. Travay kon dé èsklav ba Jéova. 12 Réjwi kòzòt adan lèspérans. Pa moli anba léprèv. Pa sispann prédié. 13 Partajé épi sé sen-an silon sa yo bizwen. Fòk zòt toujou paré pou akéyi moun. 14 Kontinié béni moun ki ka pèsékité zòt ; béni é pa modi pèsonn. 15 Réjwi kòzòt épi moun ki ni tjè-kontan ; pléré épi sa ka pléré. 16 Konsidéré lézòt menm manniè zòt ka konsidéré pwòp kòzòt ; pa kité lòwgèy pran tèt-zòt, men kité limilité djidé zòt. Pa vini saj silon pwòp lidé-zòt. 17 Fòk pa zòt rann kou pou kou. Tjenn kont di sa ki bèl an zié tout moun. 18 Si sa posib, pou otan sa ka dépann di zòt, viv an pé épi tout nonm. 19 Zòt mwen enmen anpil, pa vanjé kòzòt zòt menm, men kité lakolè Bondié fè travay-li ; pas mi sé sa ki matjé : « “Vanjans-lan sé ta mwen ; Sé mwen ki ka fè moun péyé pou sa yo fè”, sé sa Jéova di. » 20 Okontrè, « si lènmi’w fen, ba’y manjé ; si i swèf, ba’y bwè ; lè’w fè sa, sé chabon cho ou ka mété anlè tèt-li piti a piti ». 21 Pa kité sa ki mal pran lanmen anlè’w, men kontinié genyen lèmal épi sa’w ka fè dibien.