Pwovèb

15 An répons dous ka kalmé lakolè, men an pawòl ki rèd ka fè lévé faché. 9 Jéova rayi sa méchan-an ka fè ; men okontrè, i enmen moun-lan ki ka kontinié fè sa ki jis. 15 Pou an moun ki an lapenn, piès jou pa bon, men lè an moun ni lajwa an tjè’y, sé lafèt touléjou. 17 Plivomié an zasièt lédjim, koté ki ni lanmou, pasé an towo bien gra, koté ki ni lahenn. 22 Pwojé ou ni pa ka réyisi lè ou pa ka mandé konsèy, men yo ka réyalizé lè i ni anlo konséyè. 23 An nonm ka kontan ba an bon répons ; an pawòl yo di bon lè-a, sé pa ti dous i dous ! 28 An moun ki jis ka pran tan katjilé avan i réponn, men moun ki méchan ka kité vié pawòl sòti an bouch-yo.