1 Piè

4 Konm Kris soufè adan lachè, zòt osi, fòk zòt ni menm manniè wè a. Pas li menm ki soufè adan lachè, rijété péché-a, 3 Sa vré, zòt ja pasé twòp tan ka fè volonté sé nasion-an, lè zòt té ka kité kòzòt alé pou sa ki mové konduit san piès rèspé, anpil pasion san larèl, brè twòp alkòl, fè lafèt san mizi, soulézon épi lidolatri malonnèt. 4 Yo ka touvé sa pa nòwmal pou zòt pa kontinié kouri épi yo adan menm débòdaj malpwòpté, kidonk yo ka palé zòt mal. 7 Men lafen tout bagay près rivé. Kidonk, konpòté kòzòt kon moun ki ni bon sans épi rété véyatif asou lapriyè. 8 Pasé tout bagay, fòk zòt ni an lanmou ki fò menm yonn ba lòt, pas lanmou ka kouvè an patjé péché. 10 Silon don-an zòt chak la risivwè, sèvi’y pou endé kòzòt yonn lòt, kon dé bon jérè favè Bondié nou pa mérité, an favè Bondié ka montré divès manniè. 12 Frè é sè nou enmen, fòk pa zòt étonnen lè zòt ka jwenn gwo léprèv, konsi sa ki ka rivé zòt pa nòwmal. 13 Okontrè, pa sispann réjwi kòzòt pas zòt ka partisipé adan soufrans Kris. Konsa, zòt kéy pé réjwi kòzòt é ni tjè-kontan osi lè laglwa’y ké révélé. 14 Si yo ka ensilté zòt pou non Kris, zòt biennéré pas sa lé di zòt ni lèspri Bondié anlè zòt, an lèspri ki plen laglwa. 15 Men, fòk pa pèsonn adan zòt soufè pas i sé an asasen, an volè, an malfétè ouben an moun ki ka otjipé di zafè lézòt. 16 Men si an moun ka soufè pas i sé an krétjen, fòk pa i wont. Okontrè fòk i kontinié ba Bondié glwa pas i ka pòté non-tala. 19 Alò, moun ki ka soufè pas yo ka fè volonté Bondié, pou kontinié apiyé anlè an Kréyatè ki fidèl, toupandan yo ka fè sa ki bien.