Pwovèb

2 Yich-mwen, si’w kontan pawòl-mwen é si’w ka tjenbé koumandman-mwen épi swen, 2 lè’w ka wouvè zorèy-ou pou kouté lasajès épi wouvè tjè’w pou’w pé ni bon jijman, 3 si anplis di sa, ou ka kriyé lentèlijans, é si’w pa ka sispann mandé pou trapé bon jijman, 4 si’w ka kontinié chèché sa konsidiré sé lajan, é si’w ka kontinié chèché sa san rété kon trézò ki séré, 5 a lè-tala, ou ké konprann sa lakrent Bondié lé di, é ou ké touvé lakonésans Bondié. 6 Pas Jéova li menm ka ba lasajès ; sé an bouch-li konésans épi bon jijman ka sòti. 7 I ka séré sajès-la kon an trézò ba nonm ki dwèt ; i sé an boukliyé ba moun ki ka rété fidèl. 8 I ka véyé asou chimen moun ki jis, é i ké pwotéjé chimen fidèl-li. 9 Alò ou ké konprann osi sa ki jis, sa ki dwèt épi sa ki bon pou fè, é ou ké konprann sa ki bien. 10 Lè lasajès kay antré an tjè’w é lè lakonésans ké vini an plézi pou nanm-ou, 11 kapasité-a di réfléchi ké véyé asou’w é bon jijman ké sové’w, 12 pou pwotéjé’w kont mové konduit, kont nonm-lan ki ka di pawòl ka fè moun ditò, 13 kont moun ki ka tounen do ba chimen dwèt la pou maché anlè chimen ki ka mennen an fè-nwè, 14 kont moun ki kontan fè sa ki mal, ki ka pran plézi adan fè moun ditò é adan sa ki mal, 15 kont moun éti chimen-yo pa dwèt é ki ni lariz adan tousa yo ka fè. 16 Konsa ou ké chapé anba lanmen madanm-lan ki pa fidèl, épi anba ti pawòl dous kon mièl madanm-lan ki ni an mové konduit,